ఈ పుట అచ్చుదిద్దబడ్డది
తా. అర్ధచంద్రహస్తములను అడ్డముగా రెండు అరచేతులను జేర్చి పట్టినయెడ చక్రహస్త మగును. ఇది చక్రమందు చెల్లును.
14. సమ్పుటహస్తలక్షణమ్
| కుఞ్చితాఙ్గుళయశ్చక్రే సమ్పుటః కరఈరితః, | |
తా. ముందుచెప్పిన చక్రహస్తము వ్రేళ్ళను ముడిచిపట్టినయెడ సంపుటహస్త మగును.
వినియోగము:—
| వస్త్వాచ్ఛాదే సమ్పుటేచ సమ్పుటః కరఈరితః. | 461 |
తా. వస్తువులను దాఁచుటయందును, సంపుటమందును హస్తము చెల్లును.
15. పాశహస్తలక్షణమ్
| సూచ్యానికుఞ్చితే శ్లిష్టే తర్జన్యౌపాశ ఈరితః, | |
తా. సూచీహస్తముల చూపుడువ్రేళ్ళను వంచి చేర్చిపట్టినయెడ పాశహస్త మగును.
వినియోగము:—
| అన్యోన్యకలహేపాశే శృంఖలాయాం నియుజ్యతే. | 462 |
తా. పరస్పరకలహమునందును, త్రాటియందును, సంకెలయందును ఈహస్తము చెల్లును.
16. కీలకహస్తలక్షణమ్
| కనిష్ఠే కుఞ్చితే శ్లిష్టే మృగశీర్షే తు కీలకః, | |
తా. మృగశీర్షహస్తముల చిటికెనవ్రేళ్ళను వంచి చేర్చిపట్టినయెడ కీలకహస్త మగును.