676
ఆం ధ్ర క వు ల చ రి త్ర ము
బెనుగొండ సాధించె బెంగుళూరు హరించె
గోవెల గుంటూరు గుంటుపఱిచెఁ
గుందాణి విదళించె గొడుగుచింత జయించె
బాగూరు పంచము పాడుచేసె
నరుగొండ పెకలించె నామూరు మర్ధించె
సీరంగపట్నంబు బారిసమరె
రాయచౌహత్తిమల్లధరావరాహ
మోహనమురారి బర్బరబాహుసాళ్వ
నారసింహప్రతాపసన్నహనుఁడగుచుఁ
విశ్వహితకారి తిమ్మయ యీశ్వరుండు.
*** *** *** *** ***
గీ. ఇట్లు తుళువాన్వయాగ్రణి యీశ్వరుండు
పూర్వజన్మతపఃఫలంబునఁ గులంబు
ధన్యత వహింపఁ గన్న పుత్రకులలోనఁ
బ్రభుత గైకొనె నరసింహపార్థివుండు.
*** *** *** *** ***
సీ. చర్చించి చూచిన సర్వజ్ఞతా పటు
ప్రౌఢిమ మరువంబుపరిమళంబు
పరికించి చూచిన నిరుపమత్యాగల
లక్ష్మీవిలాసము దేవతావరంబు
భావించి చూచిన బహుమానసమ్యక్ద
యావిశేషోక్తి శిలాక్షరంబు
తర్కించి చూచిన ధర్మసంపాదన
క్రీడావివేకంబు తోడునీడ
దుర్మదారాతిహరణచాతుర్యధైర్య
వీర్యగాంభీర్యగుణములు వెన్నతోడఁ
బెట్టినవి సాటి చెప్పుట యెట్టు నృపుల
నీశ్వరప్రభునరసపృధ్వీశ్వరునకు.
