ఈ పుట ఆమోదించబడ్డది
300
ఆం ధ్ర క వు ల చ రి త్ర ము
రతలోలాళివినీలకుంతలఁ బ్రభారుగ్గాముఁ గేయూరశో
భితబాహాపరిఘున్ సువర్ణ ధరణీభృద్ధైర్యు దుర్యోధనున్
మ. ప్రణతాశేషవసుంధరాధిపశిరస్స్రగ్గంధలుబ్ధభ్రమ
క్వణదభ్రభ్రమకృద్ధ్విరేఫగణఝంకారప్రదాబద్ధసం
ప్రణవత్యుత్ప్రధితప్రవర్ధితసమస్త క్షత్రసూయాధ్వర
క్షణసింహాసనభాసితున్ దృఢధను శ్శ్లాఘానుజున్ ధర్మజున్.
ఈ కవి తెలుఁగున ఛందస్సునుగూడ రచియించియున్నాఁడు. దాని 'కధర్వణఛcద'స్సని పేరు. దానియందలి రెండు పద్యముల నిందు క్రింద నుదాహరించుచున్నాను.
క. 'అనిలానలసంయోగం
బనఘా! కీలాకరాళమగు వహ్ని భయం
బొనరించుఁ గర్త గృహమున
ననుమానము లేదు దీన నండ్రు కవీంద్రుల్.
క. మునుకొని పద్యముఖంబున
ననిలగణం బిడిన నాయురారోగ్యంబుల్
కొనసాగు దాని ముందఱ
ననల గణం బిడినఁ బతికి నలజడి సేయున్
