పుట:2015.396258.Vyasavali.pdf/98

వికీసోర్స్ నుండి
ఈ పుటను అచ్చుదిద్దలేదు
86

వ్యాసావళి

కర్చుపెట్టితే ఎక్కువ గౌవరము చేసినట్లా? కాగితము మీద ఊట కలముతో వ్రాసిన మంత్రముకన్న గంటముతో తాటాకుమీద వ్రాసినది శ్రేష్టమంటారా? లోక వ్యవహారములో తేటతెలుగున నలుగురూ వాడుకొనే మటలతో చెప్పితే స్పష్టముగా బోధపడే విషయము వాడుకలో లేమిమాటలతో చెప్పితే వృధా ప్రయాసము కాదా? దానివల్ల ఏమయినా లాభమున్నదా? లేదనితెలిసినా చాలామంది వ్యర్ధముగా తాము ఆయాసపడి చదివేవారిని ఆయాసపెట్టుతున్నారు. ప్రతి మనిషి తనమనస్సులో తాను ఏవిషయమును గురించి అయినా ఆలోచించు కొన్నప్పుడు ఏదో ఒక విధముగా తనలోతానే మాట్లాడుకోక తప్పదు— తనమాటలు పైకి వినపడకుండా గొణగవచ్చును;ఒకప్పుడు విషయమందు మనస్సు లగ్నమై ఉంటే, తానుమాట్లాడు కొంటూ ఉన్నట్టు తనకు తోచకనే పోవచ్చును—అనగా భాషద్వారానేకాని పరామర్శ అసాధ్యము* ఆలోచించేటప్పుడు ఏమాటలు వాడుకొంటారో ఇంచుమించుగా ఆమాటలతోనే ఆ ఆలోచనపైకి తెలియచేయడము అందరికీ స్వభావము—సహజధర్మమువంటిది. మాటకూ మనోభావమునకూ గల సంబంధము చిన్నతనమునందే కలిగి అంతకంతకు దేడపడుతుంది. ఈ ప్రకారము అలవాటయిన మాటలు మానుకొని వేరేమాటలతో భావమును చెప్ఫడము, ఎంతో కొంత ప్రయత్నము చేస్తేనేకాని, సాధ్యముకాదు. ప్రయత్నపూర్వకముగా మాట్లాడే మారుభాష స్వభాష అనిపించుకోదు. ఇంగ్లీషుగానీ, సంస్కృతముగానీ మనము మాట్లాడగలిగినా అవి మన స్వభాషలు కానేరవు. వేదములలోని __________________________________________________

  • It (language) is essential to analytical thought. It is the material basis of classification; and classification is the formal basis of knowledge,” Payne. History of America Vol.II.