ఈ పుట అచ్చుదిద్దబడ్డది
30
ఉమర్ ఖయ్యామ్
115
మధుమాంసంబులు వచ్చుఁబోవును ; లసన్మాధుర్యమై యాయు వా
పథమందే నశియించుఁ గావున సురాపానంబు గావింపు మే
వ్యధలం బొందవు ; దుఃఖమే విషము ; నిత్యం బా విషవ్యాధికిన్
మధుపానంబె మహౌషధంబు ; బుధు లీమార్గంబుఁ జూపింపరే.
116
నీతి
దేనిచె వగ నీ కగునో
దానిని గని దుఃఖమొందఁ దగ దన్యులతో
మానసిక వ్యధ లడఁగిన
నానందించెదవు నీవె యతిధన్యుఁడవై.
117
కష్టము దలిగిన నోర్చి య
భీష్టాప్తిని నొందు ; బుధుల వీక్షించినచో
సాష్టాంగమనుము ; పిన్నల
నిష్టంబుగఁ బల్కి సంతసింపుము సతమున్.
118
నీవు ధరిత్రిఁ గామవిషయేచ్ఛలకై జనించినట్లు నీ
భావమునన్ దలంపకుము ; వ్యర్థుఁడవై నశించిపోదు ; వే
తావులనుండి వచ్చితివొ తథ్యము నీవన నేమివస్తువో,
నీవిపు డే మొనర్చుటకు నెంచతివో పరికింపు మెంతయున్.