ఈ పుట అచ్చుదిద్దబడ్డది
178
ఉమర్ ఖయ్యామ్
699
ఏను నామణి వెలతగ్గి యీయలేను
నీ రుజాశాంతికిఁ జికిత్సయే రసాత్మ
కంబు ; "జంషీదు రాజ్యంబు" కన్నఁ బ్రియము
కలికి ! నీ వేణి యుభయ లోకముల పెట్టు.
700
ఆపిపీలికా బ్రహ్మ పర్యంతమైన
శక్తి నీతేజమునను బ్రజ్వలన మొందు
నీశ్వరునకు నీకునుభేదమేమి లేదు
నిన్నుఁజెందని సద్గుణ మున్న దెందు ?
701
నీవు చరాచరంబయిన సృష్టి నెఱుంగవు ; నీవు శూన్య సం
స్థావసధాన గాలివలె సాకుచునుంటివి ; యాది నంతమం
దీ వను నాస్తికంబు కల ; యేమియు లేనిది ; మధ్యభాగమం
దావిలయంబు శూన్యము లయంబులఁ బుట్టుచుఁ జచ్చు మిథ్యలన్.
702
ఓయి ! శరీరమున్ విడిచి యూహ యెఱుంగనినింగిఁ బ్రాణముల్
పోయిన, వానిలోఁగలుషముల్, పొరపొచ్చెము లేమియుండు ? నీ
పోయినమూల మా నభముపొంతనె యున్నది ? ధాత్రిపైని నీ
కాయము వచ్చి స్థావరముగాఁ జనునన్నది సిగ్గుగాదొకో.
