ఈ పుట అచ్చుదిద్దబడ్డది
62
ఉమర్ ఖయ్యామ్
244
అలరు వసంతకాల పవనాహతిఁ బువ్వులకొంగు విచ్చె ' "బుల్
బులు: చని సంతసించెను బ్రపుల్లసుమాళినిగాంచి కాంచి ; యీ
యలరుల మాడ్చు గ్రీష్మము లయాకృతి ; నీగతె నీకు, నాకు నె
చ్చెలి ! సురఁదెమ్ము త్రావుదము జీవములూడిన వేడ్కలున్నవే ?
245
ఓ వెలదీ ! సుగంధరుచిరోజ్జ్వల శీధురసంబుఁదెమ్మ ! యీ
జీవవివాద వాంఛలఁ ద్యజించెద మద్యఘటంబు ని మ్మదే
యీవును, నేను, గాలహతి నీల్గి ఘటంబులు కాకపూర్వమే
త్రావి పలాశపాన్పుల ముదంబునఁ బుత్తము శేషకాలమున్.
246
ఓ లతాంగి ! పువ్వులు పూచి యొలయుచుండె
వ్రతసమాధుల వర్జించి హితసమాధి
వననదీతటముల మద్యపానరతులఁ
దేలుమీ ! మిత్తి నెత్తిపైఁ గ్రాలు నదిగొ !
247
ఱాతిలో నగ్ని డాఁగినరీతి దాఁగి
యున్న నిను నార్చు మృత్యు వాయుదకమట్లు
వసుధ మృత్పిండ మని పాట పాడ వేమి ?
ప్రాణ మొక గాలీ ; చెలి ! సురఁద్రావరాదె ?
