ఈ పుట అచ్చుదిద్దబడ్డది
సప్తమాంకము] సీతావనవాసము 83
ళ్ళూరుచున్నది. అచ్చోటికి దారితీయుము.
సేనా : ఇదిగో యిటు.
[నిష్క్రమింతురు.]
_________
ద్వితీయ స్థలము : వనము.
_________
[కుశుఁడు ప్రవేశించును; గుఱ్ఱము కట్టఁబడియుండును.]
కుశు : ఈ ఋషీశ్వరు లెంత భీరులు? తాపసులు సవనాశ్వమును బట్టఁగూడదఁట !
బలము శౌర్యంబు గల్గిన భార్గవుండు
మునివరుఁడు గాక తక్కెనే? జనక తర్ప
ణంబునకు రాజకుల శోణితంబు జీవ
నదిగఁ బాఱింపలేదె యనంతధాత్రి?
చతురంభోధి పరీత భూవలయమున అయోధ్యాధీశుని యజ్ఞాశ్వమును బట్టు వీరపుంగవుఁ డొక్కఁడైన లేఁడఁట!
[లక్ష్మణుఁడు, సేనాని ప్రవేశింతురు]
సేనా : ఇదిగో! సవనాశ్వము. ఆతఁడే తాపసబాలకుఁడు.
లక్ష్మ : [స్వగతము] ఆహా! సేనాని వర్ణించినంతకన్న ఈయర్భకుఁడు వేయిమడుంగు లెక్కుడుగఁ బ్రకాశించుచున్నాఁడు! [ప్రకాశముగ]