ఈ పుట అచ్చుదిద్దబడ్డది
64 కవికోకిల గ్రంథావళి [షష్ఠాంకము
వేచియున్నారు.
వాల్మీ : ఇదిగో! వచ్చుచున్నాను.
[నిష్క్రమించును.]
________
ద్వితీయ స్థలము : అడవి.
________
[మునిబాలురు ప్రవేశింతురు]
మాండవ్యుఁడు : కుశలవు లింతలో నెట్లుపోయిరి?
సానందుఁడు : అయ్యయ్యో -
మాండ : సానందా, యేమేమి?
సానం : వారుగో! కుశలవులు. కొదమనులాగివైచి తల్లిసింగమును పాలు పితుకుచున్నారు.
మాండ : అబ్బబ్బో! చచ్చిరి, చచ్చిరి. సింహము తిరిగిచూచి పండ్లికిలించుచున్నది. - అభ్భా, బిడ్డలుగారురా వీళ్ళు పిట్టపిడుగులు.
సానం : వీరుచచ్చిన మనపైకివచ్చును. మాండవ్యా, మనము ఆశ్రమమునకు వెళ్ళుదమురమ్ము.
[కుశలవులు ప్రవేశింతురు.]
లవు : [సింగపుఁగొదమను ముద్దుపెట్టుకొనుచు] బుజ్జమ్మా, మన మాడుకొందాము. నీకు తియ్యనిపండ్లు కోసిపెట్టెదను.
కుశు : [పెద్దసింగపు జూలుపట్టుకొని] సింహమా, పరుగెత్తుము. నీపై స్వారిచేసి చూచెదను.