కాంగ్రెస్‌వాల
ద్వి. వి. అత్త గ్రాంధికం - అత్తు గ్రామ్యం. మీ అత్తను అత్తు అంటావా యేం?
ప్ర. వి. మేనత్తలో అత్తకాదోయ్ ఇది.
ద్వి. వి. కాకపోతే పిల్లనిచ్చిన అత్త. అత్త అత్తుకాదు; ఏం పందెం? - ఇంకొక సూత్రం వొప్ప జెప్పుకో -
కొన్నియెడల మశూచికార్థంబుఁగా భావిలో భూతంబు చూపట్టెడి.
ప్ర. వి. మశూచికార్థం కాదురా. తద్ధర్మార్థం.
ద్వి.. వి : నా నోట్సులో నేను చెప్పినట్లే వుంది.
రంగా : అబ్బాయీ, భావిలో భూతం కనబడితే భయంపుట్టదూ?
ద్వి. వి : ఒరే! యీయన యెవర్రో పిల్ల టాగూర్రో!
ప్ర. వి. ఒరే సర్దారు ఇక్కణ్ణే వున్నాడ్రో.
[వెంకటరెడ్డి దగ్గరకు పోయి] ఈవేళ యెంతమంది జైల్లోపడ్డారండి? గాంధీ బైటున్నాడా? జైల్లో వేశారా?
వెంకట : బైటే వున్నాడు గాని, ఈమెకు కలరా తగిలింది.
ప్ర. వి, ద్వి. వి : [అదురుకొని ఒక్కటిగా] ఏంటి, కల్రానా!
రంగా : ఒన్-టు-త్రి. (one-two-three.)
[త్రీ చెప్పగానే విద్యార్థులు. "ఓరి బాబో" అంటూ పరుగెత్తుదురు. ఒకని చంకలోని పుస్తకములు క్రిందపడును. జవురుకొని పరుగెత్తును.]
రంగా : Goodǃ they can as well represent India in
