28 కవికోకిల గ్రంథావళి [తృతీయాంకము
[ప్రకాశముగ] భద్రా, నీవుపోయి లక్ష్మణు నిటకు రమ్మనుము.
భద్రు : ఏలినవారిచిముత్తము. [నిష్క్రమించును.]
రాము : ఈయపవాదమును లక్ష్మణునకె ట్లెఱింగింతును ?
[లక్ష్మణుఁడు ప్రవేశించును.]
లక్ష్మ : [స్వగతము] అన్నగారేమొ దీనవదనులై విచారించున్నారు. [ప్రకాశముగ] అన్నా, లక్ష్మణుడు మ్రొక్కుచున్నాఁడు.
రాము : వత్సా లక్ష్మణా, రామునిజీవితము శూన్యమైనది. ఇఁక నీ వసుంధరా భారమును నీవ వహియింపుము. అందుకై నాకొక ప్రత్యుపకారము సేయుము.
లక్ష్మ : [ఆశ్చర్యముతో] ఏమి యీ వింత !
రాము : లక్ష్మణా,
ఈ కరవాలము గైకొని
నాకంఠముఁ ద్రుంచుమీ -
లక్ష్మ : అమంగళము శాంతించుఁగాక !
రాము :
క్షణంబును రాముం డీకష్ట లోకజీవన
శోకము సహియింపలేఁడు క్షుభితాత్ముఁడై.
లక్ష్మ " అన్నా, అకాండముగ నీ మనమేల యింత భ్రాంతిల్లినది ? ఏమి యాపద సంభవించదుగదా. నీ కఠోరవాక్యములు నాహృదయపుటము భేదించుచున్నవి. కాంతావియోగమునందైన నింతటి నిర్వేదముఁ బొంది యెఱుఁగవు.
రాము : లక్ష్మణా, సీతావిరహము రామునిది మాత్రమె. కీర్తివియోగము ఇక్ష్వాకువంశ మంతటిది.