ఈ పుట అచ్చుదిద్దబడ్డది
మాధవ విజయము
సమ : ఇంకను మన చేయి దాఁటలేదు.
విజ : సమరసేనా, పొమ్ము. పొమ్ము. చెల్లాచెదరైన నాభావములను ఏకాంతమున చిక్క బట్టవలయును.
సమ : మరల దర్శించెదను. [నిష్క్రమించును]
విజ : ఉపకరణ సమీకరణమునందు పొరపడితిని. పొరపాటు మానవ సహజము. ఇందు విధిచేష్టయేమి?
మానవుఁడైనవాఁడు పదిమాఱులు యత్నము సల్పియున్ జయ
శ్రీని వరింపఁడేని చలచిత్తులు ప్రాప్తమటండ్రు దానినిన్;
మాన యుతుల్ తదుక్తిని బ్రమాణముగాఁ గయికోరు; చూచెదం
గాని యదృష్టమే యొకటి గల్గిన, దానికి నాకు యుద్ధమే!
[ఏవగింపుతో] ఆ! తూ - విధి - విధి.
[తెర జాఱును]
________
