పుట:2015.391574.BHAKTIRASA-SHATAKA.pdf/92

వికీసోర్స్ నుండి
ఈ పుట అచ్చుదిద్దబడ్డది

రేపాలరాజలింగశతకము

81


గత కాలమున గంగ గనుపడకుండిన
                    జగము వర్తన మెట్లు జరుగఁబడును
మత్స్యకూర్మంబులమాట నేమనవలె
                    నీరు లే కవి యెట్లు నిలువఁగలిగెఁ


గీ.

గాన జలములు బూర్వమే కలవటంచు
నొప్పుకొనవలె లే దింకఁ దప్పుకొనఁగ
భావభవభంగ గౌరిహృత్పద్మభృంగ
రాజిత...

96


సీ.

బలి వామనునిపాదపద్మముల్ గడుగంగ
                    జలము లెక్కడనుండి సంభవించె
వటునిపాద బ్రహ్మ యెటులఁ బ్రక్షాళించెఁ
                    దనవద్ద నుదకంబుఁ దాచకున్న
వామనుండే ముందొ వార్ధిమథనమె ముందొ
                    కూర్మావతార మీగుఱుతుఁ దెల్పు
బలిని జన్మంబులోపలఁగదా యాచించె
                    జన్మ మెట్టుల సాగె జలము లేక


గీ.

కాన జలములు బూర్వమే కలవటంచు
నొప్పుకొనవలె లేదింకఁ దప్పుకొనఁగ
భావభవభంగ గౌరిహృత్పద్మభృంగ
రాజిత...

97


సీ.

బలికొఱకై పుట్టుపని తనపనిగాని
                    కలదె గంగోద్భవకారణంబు
బలియింటికినిబోవునని తనపనిగాని
                    కలదె గంగోద్భవకారణంబు