పుట:2015.391574.BHAKTIRASA-SHATAKA.pdf/583

వికీసోర్స్ నుండి
ఈ పుట అచ్చుదిద్దబడ్డది

572

భక్తిరసశతకసంపుటము


శా.

నే నేకర్మ మెఱుంగ నన్నను భవానీ? మత్కవిత్వప్రసా
రా నూనాశు శతావధానకృతి కత్యాశ్చర్యపర్యాప్తులై
యీ నే ర్పాజగదంబయే యిడె నటందెల్ల న్కవుల్ రాజసం
స్థానస్థు ల్వచియింతు రియ్యది యపార్థంబౌనె! కామేశ్వరీ.

94


శా.

ఈనాఁ డెందఱు లేరు సత్కవులు వారెవ్వారు మత్ప్రజ్ఞ లో
లో నెన్నేని వికల్పకల్పనల నాలోచించుటట్లుండఁ బ
ద్యానీకమ్ముల నెన్నిట న్నను నితాంతానందుఁ గావింప రం
బా? నాశక్తి యన న్వశంబె? యిది, నీదౌశక్తి కామేశ్వరీ.

95


మ.

సకలము న్సమకూర్చి దేహమొకటే సామాన్యముంజేసి తే
మికతంబో? సకలామయమ్ములును నెమ్మి న్నన్ను సేవించు ని
ట్టికలంకం బెడవాపి యెప్పటికినట్లే నీవు న న్పేర్మిఁ గొం
డిక నాఁ దాదిగఁ బ్రేచుచుంటమనుచుంటిం జుమ్మి కామేశ్వరీ.

96


మ.

తృణము న్ర్వజ్రముగాఁగఁ బంది నొకనందింగా సమర్థించు నీ
వణుమాత్రంబు గటాక్ష ముంచి యొకమా ఱాలోకనన్ జేసినన్
గణుతింపంగ వశమ్ముగాని బలము న్గార్కశ్య మారోగ్యమున్
బ్రణతు ల్సేయుచు నామెయి న్నిలువ రావా? దేవి? కామేశ్వరీ.

97