పుట:2015.391574.BHAKTIRASA-SHATAKA.pdf/565

వికీసోర్స్ నుండి
ఈ పుట అచ్చుదిద్దబడ్డది

554

భక్తిరసశతకసంపుటము


మ.

ఎవఁ డేగోతినిఁ ద్రవ్వు దాని మఱి వాఁడేకాక “తాఁ జెడ్డ కోఁ
తి వనం బెల్లను గాల్చురీతిఁ" గులనీతిం దాఁట శంకించున
ట్టి వివేకాత్ములఁ గూడఁ ద్రోయుటకుఁ జాడీకోరు అత్యంతగ
ర్హ్యవిధు ల్బోధనసేతు రియ్యదియు సహ్యంబౌనె? కామేశ్వరీ.

27


శా.

"మాల ల్దవ్వున నుండఁగావలెనె? యామ్నాయమ్ము లంఘింపరా
దే? లండన్ జన నేమగున్? మడికిని స్త్రీబట్ట నింద్యంబె?" యం
చాలోచింతురు పూర్వ మెవ్వరును లేరా? యింతవా రక్కటా!
పాలంబోలుకొలమ్మువారలకు నిపాట్లేల? కామేశ్వరీ.

28


మ.

మనధర్మమ్ములు తప్పు లన్యమతధర్మమ్ముల్ ప్రశస్తమ్ము లం
చును వాపోయెడి మూర్ఖు లీయుభయమున్ శోధించిరే? పొట్టకూ
డొనరం బెట్టెడివిద్యకుం గలదె యీయుక్తాపయుక్తత్వయో
జన తా నియ్యది వేదమౌనొ? మఱి శాస్త్రంబౌనొ! కామేశ్వరీ.

29


మ.

తనధర్మమ్మున కన్యధర్మమ విరుద్ధం బెంతయౌ నంత గై
కొని వర్తించిన వ్యావహారికులు తన్ గొట్టించిరే? యింటఁ జే