పుట:2015.391574.BHAKTIRASA-SHATAKA.pdf/558

వికీసోర్స్ నుండి
ఈ పుట అచ్చుదిద్దబడ్డది

శ్రీరస్తు

తిరుపతి వేంకటేశ్వరకవికృత

కామేశ్వరీశతకము


శా.

శ్రీరామా రమణాదినిర్జరశిరస్సేవ్యంబు సంసారసౌ
ఖ్యారామాంకురదోహదంబు పరితాపాసార మత్యంతశో
భారమ్యంబు పరార్థదాయకము నీపాదంబు మోదంబు దై
వారన్ గొల్తు నమస్కరింతు మది సంభావింతుఁ గామేశ్వరీ.

1


శా.

నేరంబేనియు నేరుపేనియును మన్నింపన్ భవత్పాద మా
ధారంబౌనని నిశ్చయించికొని నాతప్పొప్పులం జెప్పి సం
సారాంభోనిధి నుత్తరించుటకు నిచ్చన్నిచ్చలుం గోరి ని
న్నారాధింపఁగఁ బూనినాఁడ దయలేదా? తల్లి కామేశ్వరీ.

2


మ.

అనురాగానుగతాంగనాజితుఁడనై యానందశబ్దార్థమున్
వనితాసౌఖ్యపరమ్ము చేసి మనమున్ వారింపఁగా లేని నా
జననం బేమిటికంచు నొక్కొకయెడన్ జర్చించియున్ మాననే
రని నన్నెట్లు భరించెదో యెఱుఁగఁగా రాదంబ కామేశ్వరీ.

3


మ.

తఱచే నెప్డు విరాగమందు మది సంధానింతు నన్ మాట నీ
కెఱుఁగన్ రానిదె? అట్టినాదుమది కేనొందువైకల్యమున్

4