పుట:2015.391574.BHAKTIRASA-SHATAKA.pdf/548

మాధవశతకము

537

శా.⁠

అన్యాయాధ్వమునందు వర్తిలక సత్యజ్ఞానయుక్తుండనై మన్యూద్రేకసుఖంబులేక గతిసంభావించుచున్ నీదు పా దన్యాసోద్ధితధూళి నాశిరమునం దాల్తున్ హరేయంచు నే నన్యుం గొల్వక నీపదాబ్జములనే యర్చించెదన్ మాధవా.

⁠ 79

శా.⁠

నిన్నున్ లోన స్మరించుమాత్రమున వానిన్ సత్కృపాదృష్టిచే త న్నీ వెప్పుడుఁ బ్రోచుచుందువని పెద్దల్ చెప్పఁగా మున్ను నే విన్నాఁడన్ మఱి యార్తరక్షకుఁడ వీవేకాక జేజేలలోఁ గన్నాకుల్ మది నెన్నగాఁ గలరె నీకన్నన్ హరీ మాధవా.

⁠ 80

మ.⁠

జననం బందినతోడనే కలిగె యుష్మన్నామసంకీర్తనం బును నీపాదసరోజభక్తియు భవత్పూజాపరత్వంబు గా  వున నాకీ వనుకూలదైవమవుగా బుద్ధిన్ వితర్కించుచున్ వినుతింతున్ నిను సంతతంబు మదిలో వేడ్కన్ హరీ మాధవా.

⁠ 81

మ.⁠

ప్రళయానేహమునందు లోకములు వోవంగా రహిన్ నీవు ని శ్చలతేజోమయరూపదీపితవిశేషజ్యోతివై యత్తఱిన్ వెలుఁ గేకాకృతి నొందుచున్ జగము లీవే వెండి పుట్టింతువో జలజాతాక్ష భవత్స్వరూపమె జగజ్జాలం బగున్ మాధవా.

⁠ 82