పుట:2015.391574.BHAKTIRASA-SHATAKA.pdf/546

వికీసోర్స్ నుండి
ఈ పుట అచ్చుదిద్దబడ్డది

మాధవశతకము

535


దా సుగ్రీవుఁడె సాక్షి భక్తజనరక్షాసక్తి బ్రహ్లాదుఁడన్
దాసుండే యగుసాక్షి నీయభయదానంబందు దంతీంద్రుఁడే
యౌ సాక్షీకృతుఁడంచుఁ గొల్తు మదిలో నశ్రాంతమున్ మాధవా.

71


శా.

ఏలోకంబుననుండి యిచ్చటకు దా నేతెంచెనో యింకఁ దా
నేలోకంబున కేగునో యది రవంతే నాత్మ భావింపఁగాఁ
జాలం డెన్నిసహస్రముల్ గడచెనో జన్మంబు లెన్నందగం
డాలోచింప నరుండు నీదుఘనమాయాక్రాంతుఁడై మాధవా.

72


మ.

వినిన న్నీచరితంబులే వినవలె న్విశ్రాంతిమై నెప్పుడున్
గనిన న్నీభువనైకమోహనకరాకారంబె కాంచన్వలెన్
జనిన న్నీరుచిరాలయంబులకె యిచ్చం దా జనంగావలెన్
మనిన న్నీపదసేవచే మనవలె న్మర్త్యుండు శ్రీమాధవా.

73


శా.

స్వర్ణోశాంచితభోగము ల్మదిఁ దృణప్రాయంబుగా నెన్నుచున్
నిర్లక్ష్యంబుగఁ జూచి నీదుపదసాన్నిధ్యంబె నేఁ గోరి యం
తర్లక్ష్యంబుగఁ జేసికొంచు నెదలోన న్నిల్పి ధ్యానింతుఁ జ
క్షుర్లీల న్ననుఁ గాంచి ప్రోవుమయ యంచు న్వేఁడెద న్మాధవా.

74