పుట:2015.391574.BHAKTIRASA-SHATAKA.pdf/529

వికీసోర్స్ నుండి
ఈ పుట అచ్చుదిద్దబడ్డది

518

భక్తిరసశతకసంపుటము


మ.

మినుకుల్ వే యిఁకనేల కూళయు నజామీళుండు నారాయణా
యనుచున్ దాను నిజాత్మజుం బిలువఁగా నమ్మూఢు నెంతేదయన్
గనుచున్ వానికి గాలకింకరులసంఘాతంబుచే సంభవిం
చినబాధల్ దొలఁగించి మోక్షపదవిం జేకూర్చితౌ మాధవా.

4


మ.

దురితాత్ముం డగుకైటభుం డనెడుదైత్యుం డెల్లలోకంబులం
దురుహింసాన్వితకృత్యముల్ సలుపఁగా సుద్యన్మహాక్రోధవి
స్ఫురతస్వాంతుఁడ వౌచు నయ్యసురుని న్బోరన్ వడిం గూల్చి భూ
భరము న్మాన్పినవాఁడ వీవెగద దేవా శ్రీహరీ మాధవా.

5


మ.

అల రాధానలినాయతాక్షిపయి నత్యంతానురక్తుండవై
లలితంబై సుమనోజ్ఞమైన సరసాలాపంబున్ లీలతోఁ
బలుకన్ డాయుచు యామునాంబువులలోఁ బల్మాఱు క్రీడావిచే
ష్టలు గావించి తదంగనామణిని హృష్టం జేసితౌ మాధవా.

6


మ.

కపటస్వాంతముతోడఁ బూతన విషాక్రాంతస్తనద్వంద్వయై
నిపుణత్వంబున నీకుఁ బా ల్గుడుప నానీచాత్మభావంబు నీ
వు పరబ్రహ్మమ వౌటచే నెఱిఁగి యాపూఁబోఁడిప్రాణంబు లొ