పుట:2015.391574.BHAKTIRASA-SHATAKA.pdf/521

వికీసోర్స్ నుండి
ఈ పుట అచ్చుదిద్దబడ్డది

510

భక్తిరసశతకసంపుటము


సీ.

ఏలాగు నినుఁబాసి యిఁక తాళుకొనవచ్చు
                      నేలాగు కాళ్లాడి యేగవచ్చు
నేలాగు మదిఁ జాలిఁ దేలియుండఁగవచ్చు
                      నేలాగు మన్ను మి న్నెఱుఁగవచ్చు
నేలాగు కన్నీటిజా లాపికొనవచ్చు
                      నేలాగు విరిసజ్జ లెనయవచ్చు
నేలాగు నాహార మింపుగాఁ గొనవచ్చు
                      నేలాగు మైకాక లెడపవచ్చు


గీ.

నేల నేలాగు ప్రాణముల్ నిలుపవచ్చు
నేల నినుఁ జూడనాయె ని ట్లేలనాయె
కామహతకునిధాటి కే నేమి సేతు
వీత...

93


సీ.

ఎల్లవిద్యలు నిల్వ కిడిన నీతొలిరూప
                      మే సూక్ష్మతరబుద్ధి కిష్టతమము
భవదీయకైంకర్యపరుడు శ్రీకృష్ణార్యుఁ
                      డేమహాత్మునకుఁ బితామహుండు
నిరుపమానజ్ఞాననిధి రాఘవాచార్యుఁ
                      డేసత్వగుణవార్థి కెలమిఁ దండ్రి
ధీరుండు మాతండ్రి వీర రాఘవగురుం
                      డేపుణ్యఖనికి గారాపుపట్టి


గీ.

కేశవాశ్రమనికట మేకృతికి నిలయ
మట్టి శ్రీవత్సనారసింహార్యవర్యుఁ
గరుణ నిను నమ్మి వినుతింపఁ గంటినయ్య
వీత...

94