పుట:2015.391574.BHAKTIRASA-SHATAKA.pdf/520

వికీసోర్స్ నుండి
ఈ పుట అచ్చుదిద్దబడ్డది

శ్రీరంగేశశతకము

509


సీ.

అమ్మమ్మ యెంతసాహస మీపదంబు లా
                      వికటమౌ శకటంబు విఱుగఁదన్నె
వినువారి మది కెంత వింత యీయడుగు లా
                      చిలువ బల్దల లెక్కి చిందుద్రొక్కె
చూడఁజూడఁగ నెంతచోద్య మీచేతు లా
                      బకునిగాటపుముట్టె బట్టి చీరె
నహహ యెంతబ్బురం బౌర యీహస్త మా
                      గోవర్ధనం బెత్తి గొడుగుఁబట్టె


గీ.

నాఁటి బలుమోటుఁదనమును నేఁటిమెత్తఁ
దనముఁ బరికించి పరికించి మనము గరఁగు
నీదుమాయలు నాసామి నీకె తెలుసు
వీత...

91


సీ.

పెదవిఁ బర్వెడు కెంపు పెంపు పల్వరుసపైఁ
                      గదిసి గాటపుటెఱ్ఱకప్పు నేయు
విడువాలుగనుఁగ్రేవ నిగుడుజాయలు కుండ
                      లములపైఁ గమలరాగముల నించుఁ
దళుకుఁజెక్కుల డిగ్గు దట్టంపువలినిగ్గు
                      లఱుతముత్తెపుపేరు లగుచు వ్రేలు
నొసటిముంగురులు బల్మిసిమిమౌళికిఁ బ్రాకి
                      నెఱినీలిపట్టుజాలరు ఘటించు


గీ.

నెగసి మీసపునెఱతళ్కుటిరులు విరియ
మొలకనగు పూపవెన్నెలల్ మోహరించు
నౌర నీసోయగము జూడ నలవి యగునె
వీత...

92