పుట:2015.391574.BHAKTIRASA-SHATAKA.pdf/519

508

భక్తిరసశతకసంపుటము

సీ.⁠

నీవె నాతండ్రివి నీవే నాతల్లివి                       నీవె నాతోడువు నీవె నీడ నీవె నాగురుఁడవు నీవె నాసఖుఁడవు                       నీవె నాసంపద నీవె ధనము నీవె నాయేలిక నీవె నాప్రాణంబు                       నీవె నాసుగతివి నీవె పతివి నీవె నాపుణ్యంబు నీవె నాభాగ్యంబు                       నీవె నావిద్యయు నీవె ధనము

⁠

గీ.⁠

నీవే నాదైవ మిది యేల నిఖిల మీవె నినుఁ గొలుచువాఁడ నీవాఁడ నీసుతుండ నీపరిచరుండ దీనుండ నీదె భరము వీత...

⁠ 89

సీ.⁠

కనకాంగదములతో ఘనకిరీటంబుతో                       జలితాలకములతోఁ జర్చతోడ మణికుండలములతో మహితచిత్రకముతో                       సిరినొప్పునురముతోఁ జిహ్నతోడ కౌస్తుభకళికతోఁ గమలనేత్రములతో                       జిగురాకుమోవితో నగవుతోడ శంఖచక్రములతో స్వర్ణచేలంబుతో                       నెఱిబన్నసరులతో నీటుతోడ

⁠

గీ.⁠

రత్నమంజీరములతోడ రశనతోడ కటితటీకింకిణులతోడఁ గళలతోడ వెడలు నీదువయాళి సేవించఁగంటి వీత...

⁠ 90