పుట:2015.391574.BHAKTIRASA-SHATAKA.pdf/515

వికీసోర్స్ నుండి
ఈ పుట అచ్చుదిద్దబడ్డది

504

భక్తిరసశతకసంపుటము


సీ.

వలదు డాయకు రేలు వగలు సేయకు చాలు
                      దుడుక నాకన్నీరుఁ దుడువరాకు
వెఱుపు దెల్పకు కల్లమరులు గొల్పకు మెల్ల
                      నక్కునఁ జేర్చి న న్నదుమరాకు
వలదు కోపము హెచ్చు వగకు లోపము వచ్చు
                      చెక్కులు ముద్దాడి చెనకరాకు
చనదు మెప్పెదనమ్ము సతము జెప్పెద నమ్ము
                      నొచ్చె నాకెమ్మోవి నొక్క రాకు


గీ.

మనసు విరిగెను నీమీఁది మమత తరిగె
పోర మటుమాయలాడ యప్పొలఁతిఁ గూడ
నడువనున్నట్లు విధిపోక నడుచుఁగాక
వీత...

81


సీ.

మొగమాట మొగ్గేమొ మొగమైనఁ గనవేమొ
                      పలుకైన వినవేమొ పలుకవేమొ
ననుఁ జూడవలదేమొ నెనరుంచఁదగదేమొ
                      విడెమైనఁ గొనవేమొ విడిచితేమొ
నాజాబుఁ గనవేమొ నను మంచిదనవేమొ
                      చలము జేసితివేమొ చాలునేమొ
మునుబాస లేదేమొ మ్రొక్కితి వినవేమొ
                      మిగుల నొచ్చితివేమొ తెగడితేమొ


గీ.

తగనిపో రేమి కలనైనఁ దలఁచవేమొ
మరల నాతోడ నేమని మాటలాడ
వచ్చితివి పోర నేనొల్ల వలదు వలదు
వీత...

82