పుట:2015.391574.BHAKTIRASA-SHATAKA.pdf/514

వికీసోర్స్ నుండి
ఈ పుట అచ్చుదిద్దబడ్డది

శ్రీరంగేశశతకము

503


సీ.

దయవాఁడవంచు నేఁ దలంచుకొంటినిగాని
                      యింతనిర్దయుఁడ వౌ టెఱుఁగనైతి
మోహనాంగుడవంచు మోహించితినిగాని
                      యింత నిర్మోహి వౌ టెఱుఁగనైతి
నెమ్మెలాడవటంచు నమ్ముకొంటినిగాని
                      యింత మాయకుఁడ వౌ టెఱుఁగనైతి
నెనరుంతునని చాల నిశ్చయించితిఁ గాని
                      యింత నిర్దయుఁడ వౌ టెఱుఁగనైతి


గీ.

మోసపోతిని కటకటా మోసపోతి
నేమి సేయుదు నే మందు నెట్టు లోర్తు
యింక నా కెద్ది తెరవు మరెద్దిడి వెరవు
వీత...

79


సీ.

సోఁగకన్నులవాఁడ సొలపుఁజూపులవాఁడ
                      మొలకనవ్వులవాఁడ ముద్దులాఁడ
జిగిపెన్నురమువాఁడ చిగురువాతెఱవాఁడ
                      తళుకుఁజెక్కులవాఁడ తక్కులాఁడ
బలుపెన్నెరులవాఁడ పసిఁడిచేలమువాఁడ
                      చెలువంపుమెయివాఁడ కులుకులాఁడ
కలికిచెయ్వులువాఁడ కళలు నేర్చినవాఁడ
                      వగుటఁ గుల్కెడివాఁడ వన్నెలాఁడ


గీ.

డంబుగలవాఁడ మణికిరీటంబువాఁడ
హారములవాఁడ నాప్రాణ మైనవాఁడ
నీవు న న్నిపుడైనను బ్రోవఁదగును
వీత...

80