పుట:2015.391574.BHAKTIRASA-SHATAKA.pdf/511

500

భక్తిరసశతకసంపుటము

సీ.⁠

కెందామరలకన్న నందమై యున్న నీ                       యడుగు లీచెక్కిళ్ల నదుమకున్న దర్పణంబులకన్నఁ దళుళారి యున్న నీ                       యలరుఁ జెక్కిళ్లు ముద్దాఁడకున్న జొక్కంపువిరికన్న చక్కనై యున్న నీ                       మేనట్టె కౌఁగిళ్ల బూనకున్న కలవరాయనికన్న కళలీనుచున్న నీ                       మోము కన్నులఁగప్పి మురియకున్న

⁠

గీ.⁠

నెటువలె దురంతసంతాప మింకునయ్య యేమి సేయుదునయ్య నిట్లేలనయ్య కరుణ నేలఁగదయ్య మంగళతరాంగ వీత...

⁠ 73

సీ.⁠

వనజాక్ష నీచక్కఁదనముఁ జూచినయంత                       మనసు నీపయిఁ జాల మరులుగొనియె మనసు నీపైఁ జాల మరులుగొన్నంతనే                       కోర్కె లంతంతకుఁ గొనలుసాగెఁ గోర్కె లంతంతకుఁ గొనసాగునంతనే                       రేయి జాగరణంబు బాయదయ్యె రేయి జాగరణంబు బాయకున్నంతనే                       చెలువంపు మేనెల్లఁ గలయఁజిక్కె

⁠

గీ.⁠

చిక్కి మది కెక్కి యేమి రుచించదయ్యె నయి మిగుల డెంద మీలోకభయము దొలకె నింక యేమగునొకో సామి యేమి సేతు వీత...

⁠ 74