పుట:2015.391574.BHAKTIRASA-SHATAKA.pdf/508

వికీసోర్స్ నుండి
ఈ పుట అచ్చుదిద్దబడ్డది

శ్రీరంగేశశతకము

497


సీ.

చేతనాచేతనశేషి యోవేదాంత
                      రమ్య సర్వజ్ఞ శ్రీశాంత యనుచు
నిఖిలహేయప్రత్యనీకకల్యాణైక
                      తాన యోముక్తిప్రదాత యనుచు
వేద్యపరవ్యూహవిభవాంతరర్చాఖ్య
                      పంచప్రకారవైభవ యటంచు
కల్పకక్షయము నొక్కరుఁడవై మరల నీ
                      జగమెల్ల సృజియించు చతుర యనుచు


గీ.

ఫాలమున త్రిణయను నాభి పద్మభవుని
నింద్రు ముఖమునఁ గన్న సర్వేశ యనుచు
పాడియాడెదనయ్య నీవాఁడనయ్య
వీత...

67


సీ.

సఖులు కొందఱు రహస్యమున నీవివిధక
                      ళ్యాణగుణంబుల ననుభవింప
యపుడు నే డగ్గరి యడిగిన నాప్రేమ
                      నెఱిఁగి నీకథలు నా కెఱుఁగఁజెప్ప
నది విని యది మొద లన్యసంగతి మాని
                      యంతరంగంబు నీయందె తగిలి
యేయుపాయముఁ దోఁచ కెంతయు రేబవల్
                      మదిఁ గుందు ననుఁ జూచి మద్గురుండు


గీ.

తేర్చి కరుణించి నీతోడఁ గూర్చెనయ్య
నన్ను విడనాడు టెటువంటి నాయమయ్య
కరుణ నేలఁగదయ్య మంగళతరాంగ
వీత...

68