పుట:2015.391574.BHAKTIRASA-SHATAKA.pdf/496

శ్రీరంగేశశతకము

485

సీ.⁠

గంబురాపొడి జల్లి కలువరేకులు తెచ్చి                       యువిదకందోయిపై నుంచె నొకతె మోటురేకు వదల్చి మొగ్గతమ్ములు తెచ్చి                       చెలియపాలిండ్లపైఁ జేర్చె నొకతె కప్పెల్ల దిగనూడ్చి కలువకాడలు తెచ్చి                       సుదతిదండలనిండఁ జుట్టె నొకతె కఱకుపుప్పొడి యూది కదళిపత్రము దెచ్చి                       కనకాంగివీపున గ్రమ్మె నొకతె

⁠

గీ.⁠

కొమ్మ లిటు చేయుచలువలఁ దెమ్మదేరి వెలఁది యొక్కింత కనుదోయి విచ్చి చూచె నిను వలవనేలొ యీవెత ల్లనఁగనేలొ వీత...

⁠ 44

సీ.⁠

తనవారు దను చేది ధరణీశునకు నిత్తు                       రనియుఁ దన్నిశ్చితమౌ ముహూర్త మవ్యవహితమయ్యె ననియును దెలిసి లో                       నుప్పొంగు వెతలు పైఁ గప్పికొనఁగఁ దలవంచి మదిఁ గొంతతడవు విచారించి                       చెచ్చెర నపు డొకచెలియచేత కార్యనిర్వహణవికస్వరచిత్తు న                       నున్మత్తు హరిభజనోపయుక్తు

⁠

గీ.⁠

నెంచి విప్రకుమారుఁ బిల్పించి తెలుపు నవి యెఱింగించి నీమ్రోల కనిపెనుగద మౌగ్ధ్య మెందుల కేగెనో మగువ కపుడు వీత...

⁠ 45