పుట:2015.391574.BHAKTIRASA-SHATAKA.pdf/495

వికీసోర్స్ నుండి
ఈ పుట అచ్చుదిద్దబడ్డది

484

భక్తిరసశతకసంపుటము


సీ.

ఎలుగెత్తుమాత్ర కోయిలపౌఁజుఁ దొలఁగించి
                      పెన్గొప్పుననె శిఖిపింఛ మడఁచి
మొగమెత్తి హుమ్మని తొగఱేని వెలికొత్తి
                      నవ్వుచు రేయెండ క్రొవ్వడంచి
పల్కులధాటిచేఁ జిల్కగుఱాల్ నిల్పి
                      చూచి పూముల్కుల సొంపడంచి
ముడిబొమ్మలిడి కేలి వెడవిల్లు దునుమాడి
                      వేడియూర్పునఁ దేరు వెన్కజొనిపి


గీ.

భీమగతి మాలతాంగి నిన్ బిలుకుమార్చు
నని యెఱుఁగవొక్కా యెదిరితి వైన నేమి
తొలఁగుమని మరు ననిరి నీచెలియ చెలులు
వీత...

42


సీ.

ఎగసి కో యనుచు కెంజిగురాగుబల్లెంబు
                      లంటి కోయిలబంటు లడరి నడువ
నలుగడ ల్వెడదమ్రోతలనిండ నురువడి
                      వసరుతేజీపౌఁజు ముసురుకొనఁగ
నలరుదుమ్ములు గ్రమ్ము నడుగుమట్టుడులతో
                      తుమ్మెదకాల్దండు దొమ్మి సేయ
రేరాయువలినిగ్గు వీరపాణపుమస్తు
                      మొనసి వెన్నెలపుల్గు మొనలుదరుమ


గీ.

రాజు ఋతురాజు సూరెలరాగ గాడ్పు
టరదమున వచ్చు మరుఁ గాంచి యతివ సొమ్మ
సిలె నకట నీయుపేక్షచేఁ గలిగె నింత
వీత...

43