పుట:2015.391574.BHAKTIRASA-SHATAKA.pdf/493

వికీసోర్స్ నుండి
ఈ పుట అచ్చుదిద్దబడ్డది

482

భక్తిరసశతకసంపుటము


సీ.

కూసెడు కను లెఱ్ఱజేసెదు చాలవో
                      కాకితాపులు నీకు కోకిలంబ
అఱచెదు మొగ మెఱ్ఱపఱచెదు తెలియదో
                      త్రుళ్లు మీవారిసంకెళ్లు శుకమ
యార్చెదు ఱెక్కలల్లార్చెదు దొరుకునో
                      కాంచనం బింతైన చంచరీక
గ్రమ్మెదు విరిదుమ్ము జిమ్మెదు గానవో
                      చిలువవాచిచ్చు దక్షిణసమీర


గీ.

రామ ఘనసాంకవామోద హేమగాత్రి
కాలఫణివేణి మాచెలి గాఁగ నెఱిఁగి
తొలఁగ మేలని రపుడు నీచెలియ చెలులు
వీత...

38


సీ.

సత్వసంపత్పూర్ణజనమైన వెలిదీవి
                      మఱికొంతతేజంబు నెఱపినావు
దివిషదీశానాత్మభవసామ్యసంప్రాప్తి
                      జనులు సోయగ మెన్న నొనరినావు
తతసహస్రకరప్రతాపంబు చల్లార్చి
                      యత్యర్జునాభిఖ్య నలరినావు
కరపుష్టి కైలాసధరమందుఁ జూపి యా
                      ముక్కంటితల కాలఁ ద్రొక్కినావు


గీ.

కనుక నిను రావణున కెక్కు డనఁగవచ్చు
నోనిశాచరరాజ యనూనతేజ
యనుచు శశి దూరుఁ బలుమారు నతివబారు
వీత...

39