పుట:2015.391574.BHAKTIRASA-SHATAKA.pdf/491

వికీసోర్స్ నుండి
ఈ పుట అచ్చుదిద్దబడ్డది

480

భక్తిరసశతకసంపుటము


సీ.

హారముల్ బరువాయె నన్నంబు వెగటాయె
                      చెలులపై యలుకాయె చీదరాయె
తలఁపులు మెండాయె వలపు మిక్కుటమాయె
                      చలువలు సెగలాయె నలసటాయె
నిముసమే యుగమాయె నెమ్మేను సగమాయె
                      నిలువు లేదాయె బ ల్సొలపులాయె
కన్నీ రొలుకుటాయె కలవిలపాటాయె
                      వెఱుపు మోపాయె మై వెల్లనాయె


గీ.

మరునిపగలాయె వగలెల్ల మంతమాయె
వలచుచెలి నిటువలె వెత గొలిపి తౌర
సరసుఁడవు లేర నీమేలు చాలుఁజాలు
వీత...

34


సీ.

ఇప్పుడే బంగరుదుప్పటి వలవాటు
                      తోఁ దళ్కుఁగన్నులతో వలంతి
నగవలరేడు ముద్దుమొగముతో నెలమికాఁ
                      డిట వచ్చెనమ్మ దన్నింత జూచి
గడుసిగ్గునను పరుగిడు నన్ను వెన్నంటి
                      పడి కౌఁగిటను బట్టి తొడ నిడికొని
చెక్కు ముద్దాడి చురుక్కున నామోవి
                      నొక్కి చొక్కించి దాఁ జొక్కిచొక్కి


గీ.

యెచటి కేగెనో కానరాఁ డేమి నేతు
నకట కలయని తోఁచుఁ గాదనియుఁ దోఁచు
నంచు వలవలఁ గన్నీరు నించుఁ జెలియ
వీత...

35