పుట:2015.391574.BHAKTIRASA-SHATAKA.pdf/477

వికీసోర్స్ నుండి
ఈ పుట అచ్చుదిద్దబడ్డది

466

భక్తిరసశతకసంపుటము


సీ.

గందంపుమైపూఁతఁ గవిసి జాల్కొను లేత
                      చెమ్మట లేమొకో చెలియ కిపుడు
కమ్మతెమెర వీవు గ్రమ్మఁ గందినరూపు
                      కనుపట్టు నేమొగో కాంత కిపుడు
అపరంజినెరచాయ లడరెడు వేడిమి
                      వెలిమారు టేమొకో వెలఁది కిపుడు
కాటుక కన్నీటఁ గరగి జారినతేట
                      చూపట్టు నేమొకో సుదతి కిపుడు


గీ.

అన్నిటికి నేడు చెలులార చిన్నవోయె
ననుచు నాసామి నిను మనమందుఁ దలఁచి
కుందు రుక్మిణిఁ గని జాలిగొనిరి చెలులు
వీత...

6


సీ.

వెలిదమ్మిపూరేకు తెలిడాలుగల వాలుఁ
                      గనుదోయి రేనిద్రఁ గాంచమరచె
మృదులకేతకిపత్రసదృశమౌ నెమ్మేను
                      హంసతూలికసెజ్జ లంటమరచె
నిండుచందురునిపై దండెత్తు నెమ్మోము
                      మృగనాభితిలకంబు సొగసు మరచె
తేఁటిమై చకచకల్ దాటు చక్కనికురుల్
                      గడిదేర గుడియోరముడుపు మరచె


గీ.

వినుడు చెలు లిది గోపాలు విడనిజాలు
యకటకట యేమి బోధింతు మనుచుఁ బలుకు
చెలిపలుకు వించు రుక్మిణి సిగ్గుగాంచు
వీత...

7