పుట:2015.391574.BHAKTIRASA-SHATAKA.pdf/467

వికీసోర్స్ నుండి
ఈ పుట అచ్చుదిద్దబడ్డది

456

భక్తిరసశతకసంపుటము


దరముగ నీదుకీర్తనలు తద్దయు వీనులు నీచరిత్రలన్
నిరతము గోరు నిర్ఝరధునీధర శ్రీకర రాజశేఖరా.

80


ఉ.

చల్లనినీకృపారసము సారెకుఁ గూఱిమి మీఱ నాపయిన్
జల్లినఁ జాలు పూర్వభవసంచితకల్మషతాపసంచయం
బెల్ల నడంచెద న్ధృతి నహీనభవత్పదభక్తిబీజముల్
జల్లుచు నారు బెంచెదను సారదయాకర రాజశేఖరా.

81


చ.

పతితుఁడ నయ్యు నీపతితపావననామ నమశ్శివాయమం
త్రతరణిచేఁ దరింతునుగదా దురితామితవారిరాశి స
న్మతి నిహసౌఖ్య మొందుటకు నామది సందియ మొందనైతి నో
సతతదయానిధీ! సుకవిసన్నిధి శ్రీకర రాజశేఖరా.

82


ఉ.

శంకర సర్వసంపద లొసంగుము సంతస మొంది శాంకరీ
పంకజగంధి దా నిడు నపారకృపామతి నెల్లవిద్యలన్
గొంకక నట్టివేడుకను గోరిక లీరిక లెత్త మిమ్ము ని
శ్శంక భజించుచుందు నిఁక సాధుజనాదర రాజశేఖరా.

83


ఉ.

వేడుకనైన దాడిఁబడి వేదననైన ముముక్షుపాళితోఁ
గూడికనైన భక్తిఁ గొని కొల్చుచునైన తపస్సమాధులన్
వీడకనైన శంకరపవిత్రచరిత్ర యటంచుఁ బేర్కొనన్