పుట:2015.391574.BHAKTIRASA-SHATAKA.pdf/459

వికీసోర్స్ నుండి
ఈ పుట అచ్చుదిద్దబడ్డది

448

భక్తిరసశతకసంపుటము


గోరి పఠించి సారమును గూరిమి మీఱి గ్రహించి పిమ్మటన్
ధారుణి కర్షకుం డెటుల ధాన్యము నెంచి పలాలసంహతిన్
దూరము సేయునట్టిగతిఁ ద్రోయును శాస్త్రము రాజశేఖరా.

46


చ.

అనిశము లంతరాయము లనంతములై విలసిల్లు శాస్త్రముల్
మనుజుల కాయు వల్పము సమర్థతఁ గల్గు టదెట్లు గావునన్
ఘనమగు శాస్త్రసారమును గైకొను ధన్యుఁడు నీదు సత్కృపన్
వనమున దుగ్ధ మంచవలె భ క్తియుతాదర రాజశేఖరా.

47


చ.

శిరము వహించుఁ బువ్వులను జెల్వుగ నాసిక యాసుగంధమున్
గురుమతితో గ్రహించు నధికుం డొకఁ డెయ్యెడ సర్వశాస్త్రముల్
దొరకొని తాఁ బఠించుఁ గడుఁదోరపులీలఁ దదర్థ మాత్మలో
నరసి సుఖంబు నొందెడుమహాత్ముఁ డొకం డిల రాజశేఖరా.

48


చ.

హరి యనుచును హరుం డనుచు నంబుజగర్భుఁ డటంచుఁ గొంద ఱీ
వరుసను బల్కుచున్ బ్రకృతిబద్దులు గావున జ్ఞానహీనులై
పురికొని వాద మొందెదరు మువ్వురి కవ్వలమూలమౌ పరా
త్పరు నవికారుఁ గాంచునదె తత్వము శ్రీకర రాజశేఖరా.

49