పుట:2015.391574.BHAKTIRASA-SHATAKA.pdf/445

వికీసోర్స్ నుండి
ఈ పుట అచ్చుదిద్దబడ్డది

434

భక్తిరసశతకసంపుటము


చ.

జయజయ దేవదేవ జలజాతభవార్చిత పాదపంకజా
జయజయ వామదేవ శరజన్మముఖామరజాలసంస్తుతా
జయజయ వాసుదేవ నవసారసపత్రవిశాలలోచనా
జయజయ శారదాభ్ర సురసాలయశోనిధి పా...

105


చ.

పుడమిని తాడెపల్లికులముఖ్యుఁడ విప్రుఁడ పానకాలురా
యుఁడ భవదంకితమ్ముగ శతోత్పలచంపకవృత్తముల్ ముదం
బడర రచించినాఁడను దయామతి గైకొని ధన్యుఁ జేయవే
తడయకనంచు మ్రొక్కెదను దప్పక బ్రోవవె పా...

106


చ.

నిరుపమకౌస్తుభాభరణ నీరదనీలశరీర హాటకాం
బర జగదేకవీర భవబంధవిమోచనశూర వాసవా
వరజ ముకుంద కృష్ణ యదువల్లభ భూరియశోలసద్ధృతీ
తిరువలికేణిపట్టణపతీ గుణనీరధి పా...

107


ఉ.

మంగళ మిందిరాసహితమంజులనీరదనీలవిగ్రహా
మంగళ మభ్రకేశనుత మానితకౌస్తుభహారకంధరా
మంగళ మార్యలోకహిత మౌనిజనస్తుతపాదపంకజా
మంగళ మంచు ని న్నెపుడు మానకఁ గొల్చెద పా...

108


పార్థసారథిశతకము
సంపూర్ణము