పుట:2015.391574.BHAKTIRASA-SHATAKA.pdf/436

వికీసోర్స్ నుండి
ఈ పుట అచ్చుదిద్దబడ్డది

పార్థసారథిశతకము

425


ఉ.

కంటకు లైనపార్థివులకంఠము లిర్వదియొక్కపోరులన్
బంటుతనంబున న్దునిమి పాయక తద్రుధిరాపగమ్ములన్
వెంటనె బైతృకమ్ము లతివేడుక దీఱిచి భార్గవాఖ్యచేఁ
బంటవలంతిభారమును బాపితివౌ భళి పా...

66


చ.

దినకరవంశజుండవయి ధీరతఁ దాటక ద్రుంచి గౌతమాం
గనను బవిత్రఁ జేసి కరకంఠునివి ల్దునుమాడి సీత నొ
య్యన వరియించి కాననమునందుఁ జరించి పయోధి దాఁటి రా
వణుని వధించి తీవె రఘువర్యుఁడవై హరి పా...

67


చ.

అజహరు లెన్నఁ గైరవహితాన్వయమందు జనించి యచ్యుతా
గ్రజుఁ డన మించి రేవతి కరగ్రహణం బొనరించి సాధన
వ్రజములు దాల్చి ఘోరసమరంబున ముష్టికముఖ్యదుష్టులన్
భుజబలిమి న్వధించి జగము ల్మనసేయవె పా...

68


చ.

త్రిపురవరుల్ దురంబుల సతీపతి నొంపఁగ బౌద్ధమూర్తివై
కపటమునం దదీయకులకాంతలనిష్ఠలు మాన్పి శైలజా
ధిపునకు సాధనక్రమము దెల్పి పురంబులు గూల్చినట్టి నీ
విపులచరిత్రముల్ వినఁగ వింతగదా హరి పా...

69


చ.

కరముల శంఖచక్రశరకార్ముకఖడ్గము లుల్లసిల్లఁగాఁ