పుట:2015.391574.BHAKTIRASA-SHATAKA.pdf/427

వికీసోర్స్ నుండి
ఈ పుట అచ్చుదిద్దబడ్డది

416

భక్తిరసశతకసంపుటము


జని మకరిన్ మహోగ్రనిజచక్రముచేఁ బరిమార్చి యగ్గజేం
ద్రునిదురవస్థ బాపితివి తోయజలోచన పా...

29


చ.

కమలభవాండభాండములు కల్పన సేయఁగఁ బెంపఁ ద్రుంప లో
కమునను నీవుదక్క మఱి కర్తలు లేరని చాటి చెప్పు వే
దములు పురాణశాస్త్రములు దద్దయు మీమదిగాన నన్యులన్
మిము విడనాడి వేఁడఁగలమే? కలనైనను పా...

30


చ.

కడిమి భవత్కథల్ విననికర్ణములున్ భవదీయకీర్తనల్
నుడువనినోరు నిత్యము నినుం బొడఁగానని యట్టికన్నులుం
బుడమిని బాడుబొంద లనఁబోలునటం చని మాటిమాటికిన్
తడబడ కేను చాటెద ముదంబున నచ్యుత పా...

31


చ.

సదమలబుద్ధి నిన్ను తృటి సన్నుతిఁ జేసినవాఁడు సర్వసం
పదలను జెంది పాపములఁ బాయుచు సంచితపుణ్యుఁ డౌచు నా
పదలను జెంద కెప్పుడు శుభంబులచే మని తా ముదంబునన్
తుదిని భవత్పదంబుఁ గను తోయజలోచన పా...

32


చ.

నలినసఖుండు తాను గగనస్థితి నొక్కరుఁ డయ్యుఁ జూడఁగా
జలభరితంబులైన కలశంబులయందు ననేకరూపుఁడై