పుట:2015.391574.BHAKTIRASA-SHATAKA.pdf/407

వికీసోర్స్ నుండి
ఈ పుట అచ్చుదిద్దబడ్డది

396

భక్తిరసశతకసంపుటము


కాటలఁ బ్రోచినట్లు ననుఁ గావఁగరాద చలం బదేలరా
తాటకసంహరా దురితదైత్యహరా మ...

71


ఉ.

శ్రీయుతమోములో పరమసేవకసాధుజనాళితో లస
చ్ఛాయల నీను హారసముదాయముతో నతిశాంతమూర్తివై
రా యభయంబు నియ్యగదవే యపరాధినిఁ గావవే జగ
ద్గేయ గుణాలవాల ఘనకీర్తిధరా మ...

72


చ.

పరభయచక్రధారి భవబంధవిమోచనకారి యేలరా
కరగదు నీమనంబు కనకాంబరధారి యిఁ కేమి జేతు యే
తెఱఁగున నాపదల్ గడతు దీనత బెట్టుట మంచియేకదా
వరమునియోగివంద్య బహువ్యాధిహరా మ...

73


ఉ.

స్నేహితుఁడైన యావరకుచేలునకున్ ధనసంపదల్ బహూ
త్సాహముతో నొసంగి మరి దాసునిఁగాఁ గృపఁజూచినావు వై
దేహివిభుండ యాకరణి దివ్యముగాఁ గరుణించకున్న యో
శ్రీహరి యెందుఁబోదు నిఁక చింతిలుచున్ మ...

74


చ.

కరుణ యొకింత రాదొ నను గాచుటకున్ మరి వేళగాదొ నా
మొఱ విన నీకు నాదరముఁ బుట్టకయున్నదొ యట్లుగాక నన్