పుట:2015.391574.BHAKTIRASA-SHATAKA.pdf/404

వికీసోర్స్ నుండి
ఈ పుట అచ్చుదిద్దబడ్డది

మహిజామనోహరశతకము

393


తరమె వచింప శేషునకు ధాతకునైనను నీదునామముల్
మఱవనివాఁడె పుణ్యుఁ డగు మాన్యుఁడునౌ మ...

58


ఉ.

కానుక లివ్వఁజాల కతికంధిగిరీశ ... లట్లనీ
మానితపాదపద్మములు భావమునందు భజింపఁజాల నా
దీనతఁ బాపవేల జగతీధవ చాలఁగ నమ్మియుండితిన్
దానవసంహరా దురితదైత్యహరా మ...

59


ఉ.

దండధరుండుఁ బెట్టు పటుదండన కేను భయంబుఁ జెంది నీ
యండను జేరియుంటి నభయంబు ఘనంబుగ నివ్వ వేమి కో
దండకళాప్రవీణ భవదండను జేరిన దాసకోటికిన్
దండిగ మోక్ష మిచ్చితివి దైత్యహరా మ...

60


చ.

మును నిను వేఁడువారిని నమోఘముగా దయఁజూచినావు న
న్నును నటుఁ జూడ వేమి శర ణో రఘురామ యటంచు వేఁడుచున్
దినములు దుర్భరంబుగను దీనదయాపర త్రోయుచుందు నీ
వినవు యదేమి నామనవి వేదనుతా మ...

61


ఉ.

తల్లివి దండ్రివంచు మరి దాత గురుండవటంచు యేను శ్రీ
సల్లలితంబులైన పదసారసముల్ మది నమ్మియుండితే
నల్లనిమేనువాఁడ కరుణారస మెందుకు బుట్టునయ్య నీ
యుల్లమునిండ కల్మషమె యోగినుతా మ...

62