పుట:2015.391574.BHAKTIRASA-SHATAKA.pdf/397

వికీసోర్స్ నుండి
ఈ పుట అచ్చుదిద్దబడ్డది

386

భక్తిరసశతకసంపుటము


పరమపదం బొసంగుటకుఁ బాత్రుఁడ నైతినొ లేదొ దెల్పవే
పరమదయాంతరంగ బహుపాపహరా మ...

29


చ.

పటుతరమైన మాయలకు పన్నగభూషనుతప్రతాప నే
నెటువలె నోర్చువాఁడ జగదీశ్వర నన్నును గావకున్న యా
చటులతరమ్ము నన్నుడుకు చిమ్ముచునుండెడి పాపవారిధిన్
యెటు దరిజేరువాఁడ నిఁక నేలగదే మ...

30


ఉ.

ప్రోచిన నీవు నన్ను విడఁజూచిన నీకృపఁ గోరియుండితిన్
భూచరఖేచరాళికిని బోషకకర్తవు నీవె రామ చైఁ
జూచి కృపాకరుండవని సంతస మంద భయంబు గోరితే
యోచనబుట్ట దిచ్చుటకు యోగినుతా మ...

31


చ.

శరణని మిమ్ము వేఁడఁగను శత్రునితమ్ముఁడటంచు నీమదిన్
నిరసన బుట్టకుండఁగను నెమ్మదిగా దయ నేలినావు నే
నిరతము నిన్నుఁ గోరి కరుణించుమటంచు భజించి వేఁడఁగా
కరఁగదు నీమనం బెటులు కంసహరా మ...

32


ఉ.

భావజశత్రుమిత్ర భవబంధవిమోచనశస్త్రదీపికా
పావననీలగాత్ర నవపద్మదళాయతనేత్ర శ్రీకరా
బావనమాలసూత్ర ఘనపంకజధామ రమాకళత్ర నా