పుట:2015.391574.BHAKTIRASA-SHATAKA.pdf/383

372

భక్తిరసశతకసంపుటము

⁠

న్నడసేయన్ వల దిప్పుడే దెలుపుమా నా నేర మేమున్నదో తడయన్ రా దడియాస లేటి కిఁక భక్తత్రాణ సీతాపతీ.

⁠ 87

మ.⁠

సకలస్థావరజంగమంబులను సూక్ష్మస్థూలరూపంబులై ప్రకటంబొప్పఁ జరించు కేవలపరబ్రహ్మంబ వైనట్టిసే వకకల్పద్రుమ! నాతరం బగునె నిన్ వర్ణింపఁగాఁ జందమా మకు నూల్పోగనురీతిగాక పరికింప న్భక్తి సీతాపతీ.

⁠ 88

మ.⁠

తనువు ల్సంపద లెల్లకాలమును నిత్యంబంచు మోహాంధులై జను లేవేళను ని న్నెఱుంగకయ సంసారాంధకూపంబున న్మునుఁగంజొచ్చెద రింతె ని న్నెఱుఁగరేమోకాని నీమాయయో మనుజశ్రేణులకర్మమో తెలియదా మర్మంబు సీతాపతీ.

⁠ 89

మ.⁠

దయ నీ కెన్నఁడు వచ్చునోయని మహాత్మా చాలఁ గన్పెట్టియుం టి యథార్థం బిఁకనైననుం గరఁగదా డెందంబు నీమాట కే మయినం దూఱితినా యనాదరణ సేయం గారణం బేమి నా పయి నీ కేమిటి కింతబెట్టిదఁపుగార్పణ్యంబు సీతాపతీ.

⁠ 90

శా.⁠

క్రూరస్వాంతు లసత్యవాదులు కృతఘ్ను ల్నీచసేవారతు ల్దారాపుత్రవిహీను లంధులు పరద్రవ్యాపహారు ల్దురా చారు ల్నిర్ధనులై జనింతురు ధరన్ జన్మాంతరంబందు ని న్నారాధించనిదుష్కృతంబునను మర్త్యశ్రేణి సీతాపతీ.

⁠ 91