పుట:2015.391574.BHAKTIRASA-SHATAKA.pdf/374

వికీసోర్స్ నుండి
ఈ పుట అచ్చుదిద్దబడ్డది

సీతాపతిశతకము

363


కాసంతైనను సత్కవీంద్రులకు భక్త త్రాణ ని న్గొల్చి నీ
దాసు ల్గాకయ భోగమోక్షములు సాధ్యంబౌనె సీతాపతీ.

49


మ.

అరయ న్దుర్జనుఁ డొక్కవేళను మహాహంకారుఁడై యూరకే
పరుషోక్తు ల్మది నొవ్వబల్కెనని సంభాషింతురా వానితో
ధరపై సజ్జను లెందునైనను యధార్థం బెట్లనం గుక్క కా
ల్గఱవం గ్రమ్మఱ దానికా ల్గఱవ యోగ్యంబౌనె సీతాపతీ.

50


మ.

ఉపవాసంబులు తీర్థయాత్రలును మంత్రోపాసనల్ ఘోరమౌ
తపము ల్సేయఁగ నేల గాసిబడి మర్త్యశ్రేణు లుర్విన్ వృథా
చపలత్వంబులు మాని నిచ్చలమనీష న్నిన్ను సేవించి మో
క్షపదం బందఁగరాదె సూక్ష్మమున భక్తత్రాణ సీతాపతీ.

51


మ.

ఇనవంశోత్తమ విన్నపంబొకటి నీ వీరీతి నామీఁదికి
న్కను మున్నాడినయట్టినీప్రతిన మానంబూనినావేమొ వ
ల్దనువా రెవ్వరు నిన్ను సంద్ర మొడికంబై మేర తాఁదప్పివ
చ్చిన వారింపఁగ నేరికిం దరము నీచిత్తంబు సీతాపతీ.

52


మ.

ఇది పుణ్యం బిది పాపమంచు మది నూహింపంగనీ దెవ్వరిం
గదియ న్ద్వేష మొనర్చుఁ జేఁబడుపను ల్గానీదు మర్త్యాళి కా