పుట:2015.391574.BHAKTIRASA-SHATAKA.pdf/341

వికీసోర్స్ నుండి
ఈ పుట అచ్చుదిద్దబడ్డది

330

భక్తిరసశతకసంపుటము


యుక్తి న్నీవు కిరాతవేషమున రా నుద్వృత్తిఁ బోరాడి య
వ్యక్తుండై ప్రహరించినంత వరలాభం బిచ్చినావయ్య నీ
భక్తానుగ్రహ మేమి చెప్ప శివ...

30


మ.

గరిమ న్నీశరణంబు సొచ్చినను మార్కండేయు రక్షించి దు
ర్భరవైవస్వతభీతి మాన్పితఁట నీవాత్సల్య మెన్నంగ నా
తరమా నీచరణానతార్థిజనసంత్రాణైకదీక్షావిని
ర్భరభాస్వద్బిరుదంబు నీక తగు సాంబా భ...

31


మ.

అలకాధీశున కిచ్చినావు నవసంఖ్యాకాక్షయశ్రీనిధుల్
జలజాతాక్షున కిచ్చినావు నిజభాస్వద్దివ్యచక్రంబుఁ బెం
పలర న్వజ్రి కొసంగినా వతులదివ్యప్రాభవంబౌ భళీ
బళి నీసాటివదాన్యుఁ డేఁడి శివ...

32


శా.

బాఢామర్షతబ్రహ్మమూర్ధముఁ దృణప్రాయంబుగాఁ ద్రుంచియు
న్గాఢంబౌకృప సాలెపుర్వునకు మోక్షం బిచ్చియున్ మించితౌ
రూఢిం జెప్పఁగనేల తక్కినసుపర్వు ల్నిగ్రహానుగ్రహ
ప్రౌఢి న్నీకు సమాన మెవ్వరిఁక సాంబా భ...

33


మ.

గురుపత్నీగమనోగ్రపాతకకళంకుండైన చంద్రుండు నీ
శరణన్నంతనె నెత్తిఁ బెట్టుకొని వాత్సల్యంబు సంధిల్లఁగాఁ