పుట:2015.391574.BHAKTIRASA-SHATAKA.pdf/323

వికీసోర్స్ నుండి
ఈ పుట అచ్చుదిద్దబడ్డది

312

భక్తిరసశతకసంపుటము


మ.

ఫలితౌదుంబరశాఖిచందమున నీబ్రహ్మాండజాలంబులో
గలమీదివ్యవిభూతి జీవులకు వక్కాణింప శక్యంబె త
త్ఫలసంకీలితతన్మహీరుహమహత్వం బెన్నఁగా శక్యమే
విలయార్కానలకోటితేజహరి గోవిందా రమాధీశ్వరా.

73


శా.

ఐశ్వర్యప్రదమంత్రతంత్రములు వశ్యాకర్షణోచ్చాటనల్
విశ్వాసంబునఁ జేయఁబూనక సదా విజ్ఞానసంపూర్ణుఁడై
శశ్వన్మోక్షఫలప్రదాతయగు నాచార్యాన్వయగ్రామణిన్
విశ్వశ్రేష్ఠునిగా నెఱుంగవలె గోవిందా రమాధీశ్వరా.

74


శా.

త్రయ్యంతార్థవిచారగమ్యభగవత్సంబంధదీక్షాంగియై
జియ్యాళ్వారిమహాప్రబంధనిగమశ్రీసూక్తినిం దేలియున్
లియ్యంబైనరుచిప్రపన్నులయెడన్ లేకున్నఁ దచ్చిహ్నముల్
వెయ్యారైనను మీఁదుమిక్కిలివి గోవిందా రమాధీశ్వరా.

75


మ.

అమితం బవ్యయ మాదిమూలరుచిరం బానందకందంబు ను
త్తమ మాచార్యకటాక్షలబ్ధపరిశుద్ధజ్ఞానవిద్యానిధా
నము పంచోపనిషత్స్వరూపము ప్రపంచజ్యోతియంచున్ మిమున్
విమలాచారధురీణు లెన్నుదురు గోవిందా రమాధీశ్వరా.

76


శా.

వింటిన్ నీభుజశక్తి దానవులదోర్వీర్యంబు మాయింపఁ బూ