పుట:2015.391574.BHAKTIRASA-SHATAKA.pdf/306

వికీసోర్స్ నుండి
ఈ పుట అచ్చుదిద్దబడ్డది

రమాధీశ్వరశతకము

295


మ.

గుహునాత్మన్ శబరీనికేతనమునన్ గోవర్ధనాద్రిస్థలిన్
గ్రహరాజద్విజరాజబింబముల రంగక్షేత్రవాటిన్ మహీ
మహిళాశ్రీకుచమధ్యదేశముల నామ్నాయాంతవీథిన్ బలెన్
విహరింపంగదవయ్య నామదిని గోవిందా రమాధీశ్వరా.

8


శా.

కొన్నంబుణ్యము మీపదోదకము నిగ్గుల్ దేరు మీమూర్తిఁ గ
న్గొన్నన్ బుణ్యము నామరత్నములు పెక్కుల్ వాని నేపాటి పే
ర్కొన్నన్ బుణ్యము మీపదార్చకులలోఁ గూర్చుండి తా వీనులన్
విన్నం బుణ్యము మీకథాకృతులు గోవిందా రమాధీశ్వరా.

9


శా.

ఏజా తైనను నేమి మిమ్ము మదిలో నేప్రొద్దు చింతించి హృ
త్పూజాదీక్షితుఁడైన మానవుఁడు పో పుణ్యాత్ముఁ డెల్లప్పుడున్
రాజీవాయతనేత్ర మీకృపకు దూరం బైన సద్విప్రుఁడున్
వేజన్మంబుల గాంచునే సుగతి గోవిందా రమాధీశ్వరా.

10


శా.

త్రెంపంజాలుదుఁ గర్మబంధముల నాధివ్యాధులం గెల్తు నే
జెంపంగొట్టెదఁ బంచభూతముల నిర్జింతున్ మహామోహమున్