పుట:2015.391574.BHAKTIRASA-SHATAKA.pdf/299

వికీసోర్స్ నుండి
ఈ పుట అచ్చుదిద్దబడ్డది

288

భక్తిరసశతకసంపుటము


బరభక్తి కాసజెందితిఁ
బరమపరా నన్ను బ్రోవు పరమేశ శివా.

91


క.

ఉదరము పోషించుటకై
సదమలమతి నిన్ను గొల్వఁజాలక చాలా
విధములను నదిరిపడితిని
మదినుంచక నన్ను బ్రోవు మదనారి శివా.

92


క.

శివశంకర శివశంకర
శివశంకర యనుచు నెపుడు సేవింతు మదిన్
శివశంకర శివశంకర
శివశంకర బ్రోవుమయ్య శీఘ్రముగ శివా.

93


క.

సిరి యురమునఁ గలహరియును
బరమేష్ఠియు నీదుపాదపద్మములు తగన్
గుఱుతుఁ గనజాలరైరట
ఉరులింగ మహేశ భక్తయోగీశ శివా.

94


క.

వరసాయుజ్య మొసంగఁగ
మఱమఱి వేఁడితిని నన్ను మన్నించుము నే
దురితాత్ముఁడ దుర్జనుఁడను
గరుణామృతదృష్టి జూడు కఱకంఠ శివా.

95


క.

మురహరుఁడు నేత్రకమలము
మురియుచు నర్చింప నీవు ముచ్చట గాఁగన్