పుట:2015.391574.BHAKTIRASA-SHATAKA.pdf/288

శివశతకము

277

⁠

ఎటువలె మును రక్షించితొ యటువలె న న్నేలరాదె యవ్యక్తశివా.

⁠ 32

క.⁠

పటుతరపాపము లన్నియు నెటువలె భరియించువాఁడ నేమెఱుఁగ నయో కుటిలుఁడను ఘోరకోపుఁడ గటికితనం బేల నన్నుఁ గరుణించు శివా.

⁠ 33

క.⁠

సంసారసంగ మంతయు హింసాధికమంచు మదిని నెంచియు నే నీ సంసారభ్రాంతి నుండితి హంసాస్పద బ్రోవవయ్య యాశ్రితుఁడ శివా.

⁠ 34

క.⁠

ఒల్లరె యిహసుఖచింతల నొల్లరు పరదారధనము లొల్లరు సతులన్ ఒల్లరు పరనిందాస్తుతి నొల్లరు నీభక్తిపరులు నుమనాథ శివా.

⁠ 35

క.⁠

చేసితి పరదైవస్తుతి జేసితి బరసతులపొందుఁ జేసితి హింసల్ జేసితిని నోపినంతయుఁ జేసినతప్పెల్లఁ గావు చిన్మూర్తి శివా.

⁠ 36

క.⁠

నీకంటె నధికుఁ డెవ్వఁడు నాకంటెను మూర్ఖుఁ డెవఁడు నగచాపధరా నీకుంటినవారలలోఁ జేకొంటిని నన్నుఁ గల్పు చిద్రూప శివా.

⁠ 37