పుట:2015.391574.BHAKTIRASA-SHATAKA.pdf/272

వికీసోర్స్ నుండి
ఈ పుట అచ్చుదిద్దబడ్డది

ముకుందశతకము

261


క.

షోడశసహస్రరమణుల
వేడుకఁ బరిణయము నొంది వివిధాకృతులన్
గూడి పరమాద్భుతంబుగఁ
గ్రీడింపవె నరకదనుజు గెలిచి ముకుందా.

84


క.

పతిశుశ్రూషామతులగు
సతులకు నీ కుదయమైన సవినయశౌర్యా
న్వితులగు సుతుల గణింపఁగ
శతధృతిశర్వులకు వశమె సదయ ముకుందా.

85


క.

శిశుపాలదంతవక్త్రుల
నిశితసుదర్శనముచేత నిర్జించి వెసన్
యశము జగంబులు నిండఁగ
విశద మొనర్చితివి వేదవేద్య ముకుందా.

86


క.

అటుకులు కుచేలుఁ డొసఁగఁగఁ
దటుకున భక్షించి లోకతతికందని స
త్పటుతరసంపద లొసఁగితి
వఁట నీదాసత్వ మెన్న నరుదు ముకుందా.

87


క.

నిను ద్రౌపది కౌరవసభ
ఘనపరిభవ మొంది కృష్ణ కావుమటన్నన్
గనికరముతోడ వెఱువకు
మని యక్షయపటము లొసఁగితౌర ముకుందా.

88


క.

నతుఁడై బహుతరదైన్యా
న్వితుఁడై భూసురుఁడు నిన్ను వేఁడిన గృపమున్