| |
జిష్ణువిహార నందసుత సేవకరక్షక దేవదేవ స
త్కృష్ణ సుమంగళాంగ హరి గీష్పతిసన్నుత రుక్మిణీపతీ.
| 98
|
| ఉ. |
గోపకగోపికాజనము గోపదరీతిభవాబ్ధి దాఁటఁగా
నోపికతో భజించుభువనోద్భవశోభనపాదయుగ్మమున్
బాప తమఃపతంగదశ పాల్పడ మామకమానసంబునన్
జూపఁగదయ్య యోభువనసుందరరూపక రుక్మిణీపతీ.
| 99
|
| ఉ. |
యోగము లెన్మిదింట నవయోగము చెందఁగనీక చక్రసం
యోగఫణీంద్రమస్తకము నూర్ధ్వముఁ జేసి ఫణాసుధాప్తిచే
నూగఁగనీని దేహముల నొప్పుమునీంద్రులచిత్తవీథులన్
రాగిలు పాదపద్మము శిరంబునఁ జేర్పుము రుక్మిణీపతీ.
| 100
|
| ఉ. |
యాదవరాయ భక్తవరయాదవరాయసుపౌత్రుఁడన్ దయా
శ్రీదగుణాభిరామజనశేఖరసుందరనూరిపుత్రుఁడన్
మీదయ రామయోగియను మేలగునామముగన్న నేను మీ
మీఁద రచించుపద్యముల మేలుగ నందుము రుక్మిణీపతీ.
| 101
|
రుక్మీణీపతిశతకము సంపూర్ణము.
