పుట:2015.391574.BHAKTIRASA-SHATAKA.pdf/223

212

భక్తిరసశతకసంపుటము

ఉ.⁠

మిమ్ములఁ గొల్చి నమ్మి మనుమేటి భవాభియుతాత్ముఁడైన గ ర్మమ్ములఁ జెందఁ డెట్లన నమందనిషత్పరసంస్థమైననుం గుమ్మరపుర్వు పంకమునఁ గుందునె నెమ్మది నెంచిచూడఁగా నిమ్మహి దేవదేవ రజనీశవిలోచన రుక్మిణీపతీ.

⁠ 81

ఉ.⁠

దీనశరణ్య కృష్ణ నతదేవముకుంద మహానుభావ దు ర్దానవగర్వసంహర మదావళరక్షక యంచు మిమ్ములన్ మానసమందు వేఁడిన నమందదయామతితోడ ద్రౌపదిన్ మానము గాచి దుర్దశల మాన్పితివౌగద రుక్మిణీపతీ.

⁠ 82

ఉ.⁠

నిత్యనిరాదిమధ్యలయ నిర్గుణవిశ్వనివాసవేదసం స్తుత్యదయాప్రభావభవతూలధనంజయసర్వభూతసం భూత్యురువర్తనాంతకరభూతపతిప్రముఖావిచింత్య యో ప్రత్యయరూప నిర్మల నిరంజన మాధవ రుక్మిణీపతీ.

⁠ 83

చ.⁠

కరమనురక్తి మీచరణకంజము లాత్మదలంచువారికిన్ సురుచిరమోక్షసంపదలు చొప్పడు టేమి విచిత్రమౌ భవ చ్చిరతరవైరభావమును జెందియుఁ జైద్యముఖావనీపతుల్ పరమపదంబు గైకొనరె పంకజలోచన రుక్మిణీపతీ.

⁠ 84

ఉ.⁠

దండము కృష్ణ నీకు యమదండన మింకిటఁ జేరనీకు నీ దండయె రక్షరేకు హరిదాసుని నన్ విడఁబోకు మోపత

⁠