పుట:2015.391574.BHAKTIRASA-SHATAKA.pdf/222

వికీసోర్స్ నుండి
ఈ పుట అచ్చుదిద్దబడ్డది

రుక్మిణీపతిశతకము

211


తుష్టిగ దుష్టకంసు నని దున్మి యవక్రపరాక్రమంబునన్
శిష్టజనావనం బెలమిఁ జేసినదేవర రుక్మిణీపతీ.

76


ఉ.

ధీరదయాసరిద్వర సుధీరచితస్తవ మౌనిచిత్తకా
సారసితాంగ చారుతరసారసలోచన భక్తవారమం
దారధరాధరోద్ధరణ తారకరాడవ హేలనక్రియా
పారగతాస్యమండలశుభంకర కేశవ రుక్మిణీపతీ.

77


ఉ.

మీచరణంబులన్ మదిని మేలొదవన్ బచరించువాని కు
గ్రాపద లేల చెందును బుధావన లోకవిలోచనార్చిసం
దీపన మొందఁ; జీఁకటు లతిత్వరితంబునఁ గాక నిల్చునే
పాపవిదూర కృష్ణ హరి పంకజలోచన రుక్మిణీపతీ.

78


ఉ.

పాపము నొందువేళఁ బరిపంథిభయంబగువేళ భూరిఘో
రాపద లబ్బువేళ వికచాంబుజలోచన నీవు భక్తహృ
త్తాపములన్ మరల్చి నిరతం బవనం బొనరింతువందు రో
తాపసచిత్తగేహ యది తథ్యము సేయవె రుక్మిణీపతీ.

79


ఉ.

ప్రాణభయంబుచేనయినఁ బాపసమాగమచింతనైన ని
స్త్రాణముచేతనైన సుకృతప్రతిపత్తినినైన సద్విని
ద్రాణమనంబుచే మిము నిరంతర మెవ్వఁడు సంస్మరించు నా
జాణ భవత్పదాబ్జముల చక్కి వసింపఁడె రుక్మిణీపతీ.

80